"دى شركه معفنه والطيارين بهايم - كاتبه لهم ملاحظه يوصلوا الأوردر من سكات علشان حماتى متعرفش - من اول ما وصل الشارع نزل يسأل الناس عن بيتى مع انى كنت متابعه معاه ع التليفون - وفتح الاوردر وفرج الناس عليه لما سألوه جايب لها ايه - وحماتى ساكنه فى نفس الشارع وعرفت كل حاجه وكنت هتطلق علشان شاريه حاجات غاليه وببعزق فلوس ابنها."

هناء فنطزه

بت صفراويه وعايشه الدور

"شركه فضيحه ومعاملتها زباله ومشغله طيارين زباله - الطيار وقف يجعر تحت العماره ويقولى انزلى ياوليه استلمى الأوردر بتاعك وهاتى كيسه سمرا علشان تدينى شوية كباب من اللى طالباه وقعد يقول جايبه كباب غالى ليه ما كنتى تجيببى كيلو لحمه وتسلقيه للعيال وخلاص - قدمت فيه شكوى للشركه ومعملوش حاجه."

ندى الجعانه

ست بيت آيل للسقوط

" كل الطيارين معندهومش ضمير وبيوصلوا الاوردر متبهدل ولو فيه اكل بيخلصوا نصه - كلهم بهايم ما عدا طيار اسمه حمدى عنده ضمير وبيوصل الأوردر بسرعه ابقوا اطلبوه."

ام حمدى

وليه أرشانه

"الأوردر بيتركن عندهم باليومين - كنت طالبه فسيخ وووصلى بايظ وريحته معفنه"

عبير فسيخه

موظفه على المعاش

"الطيارين معندهومش ذوق وطروبشات - الطيار دخل الاسانسير بالموتوسيكل ولقيه راكنه قدام باب الشقه فى الدور الخامس وانا كنت لسه منضفه وماسحه."

ام شوشو

مدام نظيفه والقطه مبتكدبش

"الأوردرات بتتبدل - كنت طالبه حلويات من تشيز اند براونيز لقيته جايبلى شاندوتشات فول من ليفرفول - هى كانت حلوه بس انا دفعت 1750 جنيه علشان 3 شاندوتشات فول !!!."

ام سلمى

وليه مقرشه وعليها طين

"دى شركه ممتازه - كنت طالبه شاندوتشات فول - لقيته جايبلى علبه حلويات طعمها تحفه وعجبت العيال."

الست هانم أم سلسبيل

ست الكل